1. Jesus oye lye?

Jesus omuntu gwopambepo omunankondo ngoka ha kala megulu. Oye a shitwa tango kuJehova Kalunga manga inaa shita iinima yilwe ayihe. Omolwetompelo ndyoka, oha ithanwa “omutango gwiishitwa ayihe.” (Aakolossa 1:15) Ombiimbeli otayi ti kutya Jesus oye “Omwana awike” gwaKalunga, oshoka Oye mwene e mu shita. (Johannes 3:16) Jesus okwa li a longo pamwe naHe, Jehova, te mu kwathele mokushita iinima yilwe ayihe. (Lesha Omayeletumbulo 8:30.) Natango Jesus oku na ekwatathano lyopothingo naJehova. Oha longo nuudhiginini e li omupopikalelipo gwaKalunga, ano e li “Ohapu,” ta gandja omatumwalaka nomalombwelo Ge. — Johannes 1:14.

Ohatu yono, ohatu mono iihuna nohatu si, molwaashoka aaihokani yotango, Adam naEva, inaya vulika kuKalunga.a Ihe nonando ongawo, otu na etegameno. Jehova okwe tu pa Omwana, Jesus Kristus, e tu hupithe muulunde nomeso. Ombiimbeli otayi ti kutya Jesus okwa si, opo e tu kulile. Ekulilo ofuto ndjoka hayi gandjwa, opo omuntu gwontumba a mangululwe. Ofuto ndjoka Jesus a futu, omwenyo gwe gwopantu gwa gwanenena. (Lesha Mateus 20:28.) Sho Jesus i igandja a se, okwe tu pe ompito tu ka vule okumona omwenyo gwaaluhe kombanda yevi ngoka gwa kanithwa kuAdam naEva. Jesus oku ulike wo kutya yo naJehova oye tu hole shi thike peni. Oshileshwa shika, otashi ke ku kwathela wu kale wa pandula noonkondo eso lyaJesus.

1. Ongiini tatu vulu okumona mo uuwanawa meso lyaJesus kunena?

Molwaashoka tse aalunde, ohatu ningi iinima oyindji mbyoka hayi yemateke Jehova. Ihe ngele ohatu iyele ombedhi shili omolwomayono getu, e tatu pula Jehova e tu dhimine po okupitila muJesus Kristus nokuninga ngaashi tatu vulu kaatu endulule omapuko getu, otatu ka kala tu na ekwatathano lyopothingo naKalunga. (1 Johannes 2:1) Ombiimbeli otayi ti: “Kristus okwa si omolweni; okwa si lumwe aluke omolwoondjo, omuyuuki omolwaalunde, opo e mu fale kuKalunga.” — 1 Petrus 3:18.

2. Uuwanawa wuni tatu ka mona monakuyiwa, omolweso lyaJesus?

Jehova okwa li a tumu Jesus kombanda yevi a gandje omwenyo gwe gwopantu gwa gwanenena, ‘opo shaangoka ti itaale Jesus kaa kane, ihe a kale e na omwenyo gwaaluhe.’ (Johannes 3:16) Otatu pandula Jesus, oshoka omolwe, masiku Jehova ota ka kutha po iinima ayihe iiwinayi mbyoka ye etithwa kokwaavulika kwaAdam. Shika osha hala okutya ngele otu ulike kutya otwi itaala mekuliloyambo lyaJesus, otatu ka kala nonkalamwenyo ombwanawa sigo aluhe moparadisa! — Jesaja 65:21-23.

ILONGA OSHINDJI

3. Eso lyaJesus olye tu mangulula mo muulunde neso

OKAVIDIO: Jesus okwa sile shike? — Oshitopolwa 1 (2:01)

• Adam okwa hunutha ompito yini sho inaa vulika kuKalunga?

Lesha Aaroma 5:12, e tamu kundathana epulo tali landula:

• Okuyona kwaAdam okwe ku etela shike?

Lesha Johannes 3:16, e tamu kundathana epulo tali landula:

• Omolwashike Jehova a li a tumu Omwana kombanda yevi?

1. Adam okwa li a gwanenena, ihe ina vulika kuKalunga, shoka sha ningitha aantu ya kale haya yono nohaya si

2. Jesus okwa li omuntu a gwanenena ngoka a vulika kuKalunga, naashoka osha pa aantu ompito ya ka kale ya gwanenena noya ka mone omwenyo gwaaluhe

4. Eso lyaJesus otali vulu okweetela aantu ayehe uuwanawa

OKAVIDIO: Jesus okwa sile shike? — Oshitopolwa 2 (2:00)

• Eso lyomuntu gumwe otali vulu ngiini okweetela aantu ayehe uuwanawa?

Lesha 1 Timoteus 2:5, 6, e tamu kundathana epulo tali landula:

• Adam okwa li omuntu a gwanenena, ngoka e etele aantu ayehe uulunde neso. Jesus naye okwa li omuntu a gwanenena. Ihe okwa li a vulu okuninga shike?

5. Ekulilo omagano we ga pewa kuJehova

Ookuume kaJehova oya tala ko ekulilo li li omagano gopaumwene. Pashiholelwa, lesha Aagalati 2:20, e tamu kundathana epulo tali landula:

• Omuyapostoli Paulus oku ulike ngiini kutya okwa li a tala ko ekulilo li li omagano gopaumwene?

Sho Adam a yono, ye noluvalo lwe aluhe, oya tokolelwa eso. Ihe Jehova okwa li a tumu Omwana e ku sile , opo wu vule oku ka kala nomwenyo sigo aluhe.

Sho to lesha oovelise tadhi landula, dhiladhila kutya Jehova okwa li u uvite ngiini sho Omwana ta hepekwa. Lesha Johannes 19:1-7, 16-18, e tamu kundathana epulo tali landula:

• Owu uvitile ngiini shoka Jehova naJesus ye ku ningila?

OWI ILONGO SHIKE?

Jehova ota vulu oku tu dhimina po, molwaashoka Jesus okwe tu sila, notatu vulu oku ka kala nonkalamwenyo ombwanawa sigo aluhe.

Omapulo geendululo

• Jesus okwa sile shike?

• Omomukalo guni Jesus a gandja omwenyo gwe gwopantu gwa gwanenena gu ninge iikulila?

• Eso lyaJesus otali vulu ngiini oku ku etela uuwanawa?

UUYELELE WA GWEDHWA PO

Ilonga kutya omolwashike omwenyo gwaJesus gwa gwanenena hagu ithanwa iikulila.

“Ongiini eyambo lyaJesus li li ekulilo lyoyendji?”(Oshitopolwa shi li kepandja lyetu lyokointaneta)

Lesha wu uve shoka tu na okuninga, opo tu ka hupithwe.

“Jesus okwa hupitha ngiini uuyuni?” (Oshitopolwa shi li kepandja lyetu lyokointaneta)

Jehova oha dhimine po ngaa naamboka ya yona sha kwata miiti?

“Omapulo gopaMbiimbeli taga yamukulwa” (Oshungolangelo, 1 Mei 2013)

Tala nkene eyambo lyaKristus lya kwathele omulumentu gumwe a lundulule iikala ye.

“Ka ndi shi we omupika gwelongithonkondo”(Oshitopolwa shi li kepandja lyetu lyokointaneta)

1. Omomukalo gumwe guni tatu vulu okuulika kutya otwa pandula shoka Kalunga naKristus ye tu ningila?

Ombiimbeli oyu uvaneka kutya ‘shaa ngoka i itaala muJesus,’ ota ka vula okukala nomwenyo sigo aluhe. (Johannes 3:16) Ongiini tatu vulu oku shi ninga? Otwa pumbwa okuulika eitaalo momatokolo getu nomiinima mbyoka hatu ningi. (Jakob 2:17) Uuna tatu ulike eitaalo mwaashono hatu ningi nohatu popi, ohatu koleke ekwatathano lyetu naJesus nosho wo naHe, Jehova. — Lesha Johannes 14:21.