• Jehova okwa valula ‘eexwiki deni adishe dokomutwe’
    Oshungolangelo—2005 | Auguste 1

    • 4. Paulus okwa li e na okulididimikila onghalo tai twikile ilipi, nonghalo ya tya ngaho otai dulu oku tu kuma ngahelipi?

      4 Diladila kwaasho kwa li sha ningilwa omuyapostoli Paulus. Okwa shanga a ti: “Onda pewa ekiya mombelela yange, omwengeli waSatana okuhepeka nge neenghono,” nokwa weda ko a ti: “Onda ilikana Omwene lutatu, shi efe nge.” Jehova okwa li a uda omailikano aye. Ndele nande ongaho, okwa yelifila Paulus kutya ka li ta ka kandula po oupyakadi waye pashikumwifilonga. Ponhele yaasho, Paulus okwa li e na okulineekela eenghono daKalunga, opo di mu kwafele e lididimikile “ekiya mombelela” yaye.b (2 Ovakorinto 12:7-9) Ngaashi Paulus, otashi dulika naave to lididimikile eyeleko lonhumba tali twikile. Otashi dulika to lipula kutya: ‘Molwaashi otashi monika sha fa kutya Jehova ina ninga po sha shi na sha neyeleko lange, mbela osha hala okutya ke wete onghalo omo ndi li ile kutya ke na ko nasha naame?’ Ahowe, hasho shi li ngaho nandenande! Okunakonasha shili kwaJehova shi na sha nomupiya waye keshe omudiinini okwa divilikwa kwaasho Jesus a li a lombwela ovayapostoli vaye okafimbo kaxupi konima eshi e va hoolola. Natu tale nghee eendjovo daye tadi dulu oku tu twa omukumo kunena.