• Ombiimbeli otayi ti shike kombinga yokwiikalela noyokuya mondjokana?
    Kala nonkalamwenyo ombwanawa sigo aluhe — Oonkundathana dhopaMbiimbeli

    • 5. Hogolola kuume kopandjokana pandunge

      Okuhogolola kuume kopandjokana, olyo limwe lyomomatokolo ga simanenena ngoka omuntu ta vulu okuninga. Lesha Mateus 19:4-6, 9, e tamu kundathana epulo tali landula:

      • Omolwashike Omukriste kee na okutondokela mondjokana?

      Ombiimbeli otayi vulu oku ku kwathela wu tale komaukwatya ngoka taga opalele, uuna to kongo kuume kopandjokana. Osha simanenena, wu konge ngoka e hole Jehova.b Lesha 1 Aakorinto 7:39 nosho wo 2 Aakorinto 6:14, e tamu kundathana omapulo taga landula:

      • Omolwashike tu na owala okuya mondjokana nOmukriste omukwetu?

      • Sho to tala, mbela Jehova ota ka kala u uvite ngiini, ngele otwa yi mondjokana nomuntu ngoka kee Mu hole?

      Onani nondoongi yi li kondjoko yimwe, tadhi nana nuudhigu.

      Ngele iinamwenyo iyali ya yoolokathana oya tulwa kondjoko yimwe, ayihe ohayi mono iihuna. Sha faathana, Omukriste ngele okwa yi mondjokana nomuntu ngoka ihaa longele Jehova, ondjokana yawo ohayi kala yi na omaupyakadhi ogendji