• “Noshitonale inaku monika omuntu ta popi ngashika omulumentu ngwiyaka”
    ‘Ila u landule ndje’

    • 5. Gandja iiholelwa yoohapu oompu ndhoka dha popiwa kuJesus, ihe otadhi ti sha lela.

      5 Jesus okwa longitha omatumbulo omapu go omafupi nokwa popi oohapu tadhi ti sha sho a longo aantu. Muuyuni wonale sho pwa li ihaapu nyanyangidhwa omambo, Jesus okwa li a thindile etumwalaka lye lyaaluhe momitima nomomadhiladhilo gaapulakeni ye. Natu tale kiiholelwa ngaashi: “Inamu pangula yakweni, opo Kalunga kee mú pangule.” “Aandjolowele itaa pumbwa omwaaludhi, ihe aavu tuu ayeke.” “Ombepo . . . oya hala, ihe onyama onkundi.” “Ano shono shomupangeli, shi peni omupangeli naashoka shaKalunga, shi peni Kalunga.” “Okugandja oku na elago ku vule okutaamba.”b (Mateus 7:1; 9:12; 26:41; Markus 12:17; Iilonga 20:35) Oohapu ndhoka otadhi dhimbulukiwa natango, nonando odha popiwa konyala omimvo 2 000 dha pita.